| 忙碌的十二月終於告一段落，進入新的2008年了！ 非常高興，因為係這個2007年終結之前好像找到了點點方向。 更高興是終於同2007年講拜拜，特別是2007的下半年。 陳姑娘，謝謝妳係那忙碌的時間表裡抽了一個時間同我食Tea，那個時間對我來講很緊要，讓我好像找到了點點方向。 Ju，謝謝妳讓我和妳係同一個被窩裡彼此分享，朋友多謝您！ PC們那個小肥羊晚餐和海濱公園露天茶座感覺真好，真的好耐無試過咁樣同你們一齊。 妹妹，祝福妳，看著妳由一個少年人到今天嫁作人妻，感覺自己真的好像老了。祝福你們一家都成為事奉耶和華的家。 M & L 謝謝你們！從無想過除夕是和你們一齊敬拜倒數度過，更無想到之後和你們一齊走去 LC 同LKF 祝福祈禱，謝謝你們讓我係新的一年開始有新的體驗。 天父，新的一年我要有一個新的開始，我要有大衛的恩膏，我要與你同行，我要在你裡面，我要在你裡面得著喜樂和滿足。 |
| |
| 今日係MSN chat 左一陣，感覺真好，謝謝妳，神真的有恩典，妳每次都是係需要的時候出現。 晚上，和妳們一齊食飯真的很滿足，好耐無一齊食飯，雖然約左成年咁濟，但都是抵的。大BB，我好鍾意妳個句，雖然我們唔係成日一齊，但係我們個心好近 。妳們兩個關心的事，有進展既時候一定話妳們知。 哈哈！今日妳買給我的牛奶，我雖然唔飲得，不過記得給我那個空樽。 |
| |
| 終於可以返屋企啦！去左公幹一個星期，差點兒攰死左！ 以前一個月飛三星期都無事，依家飛一個星期就已經攰死咁濟，唔通真係老左！ 新工，到目前為止，感覺都OK！但希望唔會好忙。呢間公司有一個特色，就是一個 user 會有N 個 system 要用同埋所有login 同 password 都唔同，會記死人。 此行，一共講了三次福音，感覺真好！坐的士，司機無得走，一定要聽......哈哈！ 可以信主真好......不過跟住佢地會點就真係唔知。 |
| |
| 剛過去的星期五和星期六去了兩天清泉camp實在好攰，我想我真的需要時間去休息和沉澱一下。 明天開始我會放假，天父求您幫助我係呢四日裡面可以有時間安靜一下。前路，仍然沒有定案，天父求您俾我可以清楚知道您的心意。 呢幾天那個感動又回來，真是要嗎？(幾年來，它間中就會出現一下) 我想現在我最需要的是休息，因為我實在overload 啦！ |
| |
| 牧師今晚既講道好好，他講了很多鼓勵及安慰的話，使我心裡有些東西好像〝叮〞的一聲明白了，也感到一些安慰。神你真好，你知道及明白我們的需要。
今晚帶了一個有兩、三年無見既舊同事返教會，崇拜完左之後同佢一齊食飯，她覺得牧師的講道好好再加上途中我們碰見穎恩姊妹叫她要返多幾次聚會，於是她就決定下星期五會再返崇拜，感謝主！
後記：今晚牧師呼召個胃唔舒服既人要得醫治，那人就是她了。可惜，她唔敢出去，但感謝主，就是因為牧師這個呼召讓她感覺到神的真實 (居然連佢經常胃痛都知)，希望她跟住下來可以如穎恩姊妹所言返多幾次聚會並變成每個星期都聚會。另外，之前我話仲有三個月時間祈禱，依家過了差唔多一個月，而我亦開始有一些好 draft 既 idea，天父求你繼續用我會明白既方式向我說話，奉主耶穌基督的名求，阿們！ |
| |
